નવી આશા સાથે આવે, એવી એક સવારની આ વાત છે
આજે કંઇ મનગમતૂ થઈ જાય, તો શું જોઈયે!
આળસ ને નોતરે, એવી એક બપોરની આ વાત છે
આજે એક મીઠી નિંદ મળી જાય, તો શું જોઈયે!
ટાઢક લઇને આવે, એવી એક સાંજની આ વાત છે
આજે ખૂલી હવામાં એક લટાર મરાય, તો શું જોઈયે!
અનેરો સંતોષ આપે, એવી એક રાત્રીની આ વાત છે
પલક વારમાં સુંદર સપના દેખાય, તો શું જોઈયે!
સ્વપ્ન હકીકત બને, એવા એક દિવસની આ વાત છે
જો બધા દિવસ આવા હોય, તો શું જોઈયે!
- હાર્દિક શાહ
Posted in Gujarati
